द्वन्द्व पीडितको लागि शिक्षा, स्वास्थ्य विमा, आयआर्जन क्षेत्रमा कार्यक्रम गर्ने

बाँसगढी, ११ साउन
बाँसगढी नगरपालिकाका प्रमुख खडकबहादुर खड्काले द्वन्द्व पीडितहरुको सवाल सम्बोधन गर्न शिक्षा, स्वास्थ्य विमा, आयआर्जन क्षेत्रमा हरेक बर्षको कार्यक्रम बनाई आवश्यक बजेत पनि विनियोजन गरि सम्बोधन गरि रहेको र त्यसलाई निरन्तरता दिने बताउनु भयो । उक्त कुरा बाँसगढी नगरपालिकाका प्रतिनिधी र पीडितहरु बीच २०८१ साउन ११ गते (२६ जुलाई २०२४) मा सम्पन्न वकालत बैठकमा बताउनु भएको भयो ।

महिला शान्ति र सुरक्षा सम्बन्धी संयुक्त राष्ट्रसंघ सुरक्षा परिषद १३२५ र १८२० राष्ट्रिय कार्ययोजनाको कार्यान्वयनका लाग्न सक्ने बजेटको बारेमा पनि कार्यपालिकामा छलफल गरी अगाडी बढ्ने बताउनु भयो । पीडितहरु आफ्ना सवालमा छलफलका लागि आफ्नै नेतृत्वमा वकालत बैठकका लागि बाँसगढी नगरपालिकासंग वकालत बैठकका लागि समन्वय गरेका थिए । बैठकमा ZFD(GIZ/CPS) को सहयोग र सहकार्यमा सञ्चालन भइरहेको ‘Enhancing the voices of Conflict victims through storytelling and Advocacy’ परियोजनाको बारेमा कार्यक्रम संयोजक मानबहादुर चौधरीले जानकारी गराए ।

बाँसगढी नगरपालिकाले पीडितहरुको सवाल सम्बोधन गर्न गरिरहेको नितिगत योजनाको बिषयमा छलफल भयो । बाँसगढी नगरपालिका क्षेत्रका पीडितको समस्या सम्बोधनका लागि लिखित माग पत्र पेश गरी नितिगत निर्णय गर्न ध्यानाकर्षण गराए । महिला शान्ति र सुरक्षा सम्बन्धी संयुक्त राष्ट्रसंघ सुरक्षा परिषद १३२५ र १८२० राष्ट्रिय कार्ययोजनाको बारेमा जानकारी गराउँदै कार्यान्वयनका लागि ध्यानार्कषण गराएको थियो ।