कारागारबाट छोडिएको भनिएको तुलषीराम २३ वर्ष कुर्दा पनि घरमा नआई पुगेपछि परिवारले गरे कुँशको शव बनाएर अन्टेष्टि

बाँसगढी, २० वैशाख
शसस्त्र द्धन्द्धको क्रममा सुरक्षाकर्मीले पक्राउ गरी कारागारबाट छोडिएको भनिए पनि २३ वर्ष कुर्दा पनि घरमा नआई पुगेपछि कुँशको शव बनाएर अन्टेष्टि गरेका छन् ।

सशस्त्र द्धन्द्ध चलि रहेको थियो । साविक मोतिपुर गाविस मदाहा हाल बाँसगढी नगरपालिका ४ मदाहाका सशस्त्र प्रहरीमा जागीरे तुल्सीराम थारु घर बिदामा आएका थिए । सोहि अवस्थामा २०५८ साल माघ १२ गते शुक्रबार बिहान ७ बजे तिर मोतीपुर ईलाकाबाट आएको पुलिसले सोधपुछ गर्ने भन्ने बाहानामा घरबाट गिरफ्तार गरेको थियो ।
तुलषीरामलाई जिल्ला प्रहरी कार्यालयको हिरासतमा राखियो । पीडित परिवारलाई शुरुमा भेट गर्न समेत दिइएन तर पछि सहज भयो । नियमित भेट गर्न जाने क्रममा २०५९ साल वैशाख २० गते भेट गर्न जाँदा त्यहाँ नभएकोले भेट हुन सकेन । केही दिनपछि एउटा पत्रिका मार्फत जेलबाट पनि छोडी सकेको जानकारी आयो । तर मान्छे अहिलेसम्म पनि घरमा फकिएर आउनु भएको छैन । तुलषीराम संगै मदाहा गाउँकै तीन जनालाई पनि वेपत्ता बनाएको थियो । उनीहरुको अवस्था पनि अज्ञात रहेको छ ।

जिल्ला कारगारबाट छोडिएको भनिएका तुलषीराम थारु आजको मिति २०८२ वैशाख २० गते २३ वर्ष पुरा भएको छ । श्रीमती अनिता थारु र छोरा सुनिल थारु अब आफ्नो मान्छे फर्किन्छन् भन्ने आश मार्दै कुँशको शव बनाएर थारु सस्कार अनुसार अन्टेष्टि गरेका छन् ।